ဘမျိုး ဘိုးတူ
ချောင်းရိုးမြောင်းရိုးသာ တိမ်ကောရိုးထုံစံ ရှိလိမ့်မည်
ဆွေရိုး မျိုးရိုး ဘယ်တော့ မှ မတိမ်ကော ။
လူမှာ အမျိုး ကြက်မှာအရိုး အစဖြင့်
ဆွေးမျိုး ဆင့်ဆက် ဖြစ်ပွားလာသော
မျိုးဆက် အကောင်းတွေ ရှိသလို
အဆိုးတွေလည်း ရှိနေပေလိ့မ်မည် ။
မျိုးရိုးသည် အတန်အသင့် အရေးပါသည်ဟု
မှတ်ယူရပေလိမ့်မယ်။ (လူတစ်ဦးတစ်ယောက်ချင်းဆီတွင် မူတည်ပါသည်)
ရှေးအစဉ်အဆက် ကြက်တိုက် ငှက်တိုက်
ဖဲရိုက် အရက်သောက် သော အသိုင်းအဝိုင်း မှ
လူငယ်တစ်ယောက် လိမ်လိမ်မာမာဖြင့် ကြီးပြင်းလာသော်လည်း
လူ့အသိုင်းအဝိုင်းသည် လွယ်လွယ် နဲ့ လက်မခံတတ်ကြပေ။
လူငယ်လေးသည် လိမ်အောင်နေသော်လည်း
ခဏနေ ဘမျိုး ဘိုးတူ လိမ့်မယ် ဟူ၍လည်ကောင်း
ခွေးမီးကောက် ကျဉ်တောင်စွပ် ပါ ဟု လည်းကောင်း
ပြောင်းလဲ ချင်သော အကောင်းဖက် ကိုဦးတည်သော
စိတ် ဇော စေတနာ များ ပျက်သင့်သလောက် ပျက်ကုန်ပါဘိ။
လူသိသော အမှား လူမသိသောအမှား
လူလက်ခံ နိုင်သော အမှား လူလက်မခံနိုင်သော အမှား
လူအသိုက်အဝန်း မှာ စာနာခြင်းအားဖြင့် အမှား
လူအသိုက်အဝန်း မှာ ခွင့်လွတ်မပေးသော အမှား
၇၅ သက်တမ်း သုံးပိုင်း စင်းလုံးချော များ ရှိနိုင်ကြလို
၂၅ နောက်ပိုင်း မှ အကောင်းဖက် ဦးတည်သော
၅၀ ပြီးမှ အကောက်ဖက် ဦးတည်သော
အပြုသဘောဆောင်သော အတွေး
အပြုသဘောဆောင်သော စကား
အပြုသဘောဆောင်သာ အမူအကျင့်
အပြုသဘောဆောင်သော မှတ်ချက်
ကြိုဆိုခြင်းအားဖြင့် ကောင်းမွန်သော
လူမူ့အသိုက်အဝန်း အဖွဲ့အစည်းတစ်ရပ်ဆီသို့။
ပါးရိုက်လို့ နားကိုက်သော
မဲမဲမြင် ပစ်ချင်သော
လူ့အသိုက်အဝန်း မှ အဆင်မပြေသော
လုပ်ငန်းခွင်မှ အဆင်မပြေသော
အိမ်ထောင်ရေး အဆင်မပြေသော
ဘဝ ကို ကြိတ်မှိတ်လက်ခံ ပြီး
လိုအင် မပြည့်ဝသော ညများ မှ
ပစ်လွတ်လိုက်သော မြားတစ်စင်းအလား
အန်ထွက်လာသော မိုင်းများ
မင်းပစ် ငါပစ် သူပစ်
မင်းစွန့် ငါစွန့် သူစွန့်
အများသုံး သန့်စင်ခန်းလောက်သာသာ ဖြစ်ကုန်နေပါပြီ၊
လက်ဖျာက် တစ်ချက် တီးတာ လိုက်တာ နဲ့ ဖြစ်တည် လာခြင်း
မဟုတ်ငြားသော်လည်း ပေါက်ကွဲ ဖို့ အသင့်ဖြစ်နေသော လူအုပ်အတွက်
စကားတစ်လုံး ဖြင့်လည်း သေစေနိုင်ပါတယ် ။
ယနေ့ အခြေအနေထက် ပို ကောင်းသော အခွင့်အလမ်းများဆီသို့။
ပိုးပေါက်
နည်းပညာတက္ကသိုလ်(မုံရွာ)
၂၀၂၀ မေလ ၁၉ ရက် ။
Comments
Post a Comment