မိုးချုပ်ချုပ် ကားရှုတ်ရှုတ် နေဝင်ညချမ်းလေ
သူ့ ခြေလှမ်း သူ့ဝမ်းနဲ့ သူ့အထွာ အရ
မင်းဘယ်လာ မှာလဲ ဘယ်ဆိုင်မှာလဲ
ရွေးပြီး ဝမ်းတစ်ထွာစာကို ဖြည့်ကြတယ်။
သံလမ်းလမ်းဘေး အစ သမိုင်းညဈေး
လှည်းတန်းညဈေး ကမ်းနားဈေး
၁၉ လမ်း လသာ မင်းဘယ်ခြေလှမ်းကိုရွေး
အမေ လူကုန်ထန် တဲ့ လေ
အမေ လူဆင်းရဲ တဲ့လေ
အိုတီဆိုတာ အကြောက်ဆုံး သတ္တဝါပါ
သုတ်သုတ်စား သုတ်သုတ်သွားတဲ့ ရန်ကုန်မှာ
သား လူချော သုတ်သုတ် ကို ကျွမ်းနေပါပြီ
ဒယီးဒယိုင် က တတ်နေလို့ အမေ စိတ်ဆိုးမလား
အရက်သမား သိုင်းပါ။
တောအရက် နဲ့ မမှားပါနဲ့
ရန်ကုန်မြို့ က YBS ပေါ်မှ ကကြတာပါ။
ဝမ်းဟောင်းလောင်းနဲ့ သိုင်းကွက်ကရင်း
နီယွန်မီးတန်းက ဝတ္ထုတွေထဲကလို ............
ကောင်လေး နဲ့ ကောင်မလေး လက်ချင်းတွဲ
စိတ်ကူးရင်း ကမ္ဘာထဲကလို လေပြေ မဟုတ်ဘူး။
ကား အိတ်ဇောက ဒေါသတကြီးထွက်လာတဲ့
လေပူတွေပါ ညော်အပြင်းစားတွေဟာ
ဗိုက်ဆာမှုကို လျှော့ကြစေမှာပါ။
ထမင်းချိုင့်ဟာ အသားနဲ့ တစ်သားထဲကျတဲ့
လောကီ အလှတရား တက်တူးး းတစ်ခုပါ။
သိပ်ကို ကုန်ဈေးနှုန်းတတ်တဲ့အခါ
သူဟာ နတ်သမီး တစ်ပါးပါ။
ညနေ တောထိုင် တောင်ထိုင်
ဘလက်ဖောင်းက အစ ဆိုင်ကြီးး ကနားဆုံး
အမေ့သားမောင် ယောင်တောင်တောင်မလုပ်မိပါ။
ရန်ကုန်ညနေ ဟာ ဆက်သွားနေတယ်။
ခရာ မတုတ်သေးဘူး။
မီးပွိုင့် မမိသေးဘူး။
လမ်းတော့ ပိတ်နေတယ်။
ဒီညနေလည်း ထုံးစံအတိုင်း အိမ်ပြန်နောက်ကျမယ်။
ပိုးပေါက်
နည်းပညာတက္ကသိုလ်(မုံရွာ)
၂၀၁၈ စက်တင်ဘာလ ၁၂။
(၂၀၁၈ ခုနှစ် ရင်ဘတ်ထဲက ကဗျာစဉ်(၂))
Comments
Post a Comment