ဘယ်တော့မှ………တို့တစ်တွေဆုံဖြစ်ကြတော့မှာမဟုတ်ပါဘူးးး

မျှော်လင့်ချက်များစွာ

ယုံကြည်ချက်မြင့်မားစွာ

ဘဝရဲ့တစ်ထောင့်တစ်နေရာမှာ

ခိုနားအိပ်စက်ဖို့

ဘယ်မလဲ အပြာရောင် နှုးညံ့မှုတွေ

အဆုံးအစမရှိ ညစ်ထေးနေတဲ့အတ္တတွေ

တစ်စပြီးတစ်စ ရှောင်လို့မရတဲ့ညတွေမှာ

ပြန်ပြီး မှိန်းမော ရစ်မူးခဲ့ကြတယ်

တစ်ချိန်ကဆို စံပယ်လည်းဖြူစင်ခဲ့သလို

ရောင်နီဦးလည်း ဝင်းပခဲ့တယ်

ခဏခဏထတောက်တတ်တဲ့မီးတစ်စကြောင့်

စိတ်တွေလည်း မီးခိုးရောင်ပြောင်းကုန်ကြပြီ

မလာနဲ့ မလာပါနဲ့ သူငယ်ချင်း

ဟန်လုပ်ပြီး အရောင်တွေတင်နေကြတယ်

ပန်းတိုင် ရေးခြယ်မှုမှာ အပူတွေပါနေမယ်

အရောင်မှိုင်းမှိုင်းတွေပါနေတယ်

တကယ့်အစစ်အမှန်က ဘယ်မှာခိုနားနေတာလဲ

ခေါ်လိုက်ပါ လာခဲ့ပါဦး လာခဲ့ပါဦး

မိတ်ဆွေတွေဖြစ်ခွင့် တစ်ညလောက်တော့ကုန်ဆုံးပါရစေ

အရောင်တွေတော့ ခဏလောက်ထားခဲ့ပေးပါ

မင်းနဲ့တို့နဲ့က တကယ့်သူငယ်ချင်းမိတ်ဆွေတွေပါ

ခဏလောက်ပြန်ကြည့်ပေးပါ တို့ါ့ကိုမှတ်မိသေးလား

ဟင့်အင်း မင်းမယုံကြည်ရင် မလာခဲ့ပါနဲ့

အရောင်ရှိမှအရောဝင်မယ်ဆိုရင်တော့............

တို့တစ်တွေက အရောင်မရှိတဲ့မြို့မှာခိုနားနေတယ်

ဆယ်စုနှစ်အတွင်း သမိုင်းတွေရေးထိုးခဲ့ကြတယ်

ကလေးဘဝတုန်းက မင်းဟာတို့ရဲ့အကောင်းဆုံးသူငယ်ချင်းပါ

စကားလုံးတွေပဲကျန်ခဲ့တော့မှာလား

ယုံကြည်မှုတွေ အောင်မြင်မှုတွေ အတူတကွစိုက်ထူဖို့

ပြန်မလာမြစ်ဖြစ်သွားခဲ့တ ဲ့အရောင် ပြောင်းမှုမှာ

တို့တစ်တွေ ဆုံဖြစ်ကြတော့မှာမဟုတ်ပါဘူး

ဘယ်တော့မှ........ဘယ်တော့မှ............

ပိုးပေါက်

နည်းပညာတက္ကသိုလ်(မုံရွာ)

၆-၁၁-၂၀၁၅(ကြာသပတေးနေ့)

၁၅ ကြိမ်မြောက် အာစရိယပူဇော်ပွဲ အမှတ်တရ