ဟာသတစ်ပုဒ်…….ကြာတစ်ပွင့်

သူတို့ပြောတာ့………..ကြာ….တစ်ပွင့်

ကိုယ်သိတာက မေတ္တာတရားဖြင့်

ဖြူစင်တဲ့ကူညီမှု ရိုးသားတဲ့အရောင်အသွေး

မပြန်စေချင်တဲ့ ငှက်တစ်ကောင်တမ်းတခြင်းပါ

အရောင်အသွေးမခွဲပါဘူး

နုနုရင့်ရင့် ရင်ထဲမှာတော့

အရောင်လို့ပဲ ရိုးရိုးလေးမြင်တယ်

ခါစဉ်အမြဲ မင်းပြောနေတဲ့

ကြာတစ်ပွင့်အကြောင်း အလိုက်မသိမှု

ပြောဆိုသူတွေ နှုတ်ဖျားဟာသက

ကြာတစ်ပွင့် နောက်ကြောပွင့်ခဲ့တယ်

လွင့်စင်သွားတဲ့ အသည်းတစ်စက

ကြားဖူးသူတိုင်း “ အဲဒါပါလို့” မြင်ခံရ

ပေါင်းပြီး မမြှောက်တတ်မစားတတ်တော့

လူတစ်ယောက်ဘဝက လူတစ်ယောက်ပါစပ်ဖျား

ကျွမ်းထိုး မှောက်ခုံကျလို့ပေါ့

ရိုးသားစွာလွဲမှားခြင်း

သံယောဇဉ် အမျှင်မဖြတ်တတ်တော့

ဟာသတစ်ပုဒ် ဖြစ်ချင်ဖြစ်စေတော့

နိုင်လိုသူတွေ အောင်ပန်းပေးရင်း

ချစ်ခြင်းမေတ္တာတရားနဲ့ ပဲကုစားတော့မယ်

ပိုးပေါက်

နည်းပညာတက္ကသိုလ်(မုံရွာ)