ကမ္ဘာကုန်ကျယ် ခရီးသည်

တူညီသော နီညိုရောင်တွေ

တစ်ချို့က အပြီးသတ် တစ်ချို့က တစ်ဝက်တစ်ပျက်

ကမ္ဘာမြေကြီး တစ်ချက်တုန်တိုင်း တစ်ချက် ယိမ်းတယ်

သူတို့ဟာ အကောင်တွေပါလား ။

သွားနေတဲ့လမ်း ကိုယ့်လမ်းမဟုတ်တာသိ

အခြားလမ်းလျှောက်ရင်း လမ်းအခြားဖြစ်မသွားခဲ့တာ

မာန်တက်ခြင်းမှာ ဖြေဆင်းနေတယ်

ဒုတိယပ္ပိ မင်းအကြောင်းတွေးခြင်း။

မစုန်နိုင်သေး မဆန်နိုင်သေး လောကအလယ်

ဘကုံး နဲ့ ဝလုံးကြား မှာ သက်ပြင်းတွေအခါခါချ

ဟောခနဲ ဆို ပုလင်းခေါင်း ကျိုးသွားတယ် ။

ဒါကုန်ရင်... တော်ပြီဆိုတဲ့သူတွေ

ဒါသာ ကုန်သွားတယ် မတော်နိုင်သေး။

ဘယ်အချိန် ရောက်မယ် မသိ

လောက လေထုသန့်ရှင်းပါစေ။

ငါ့ အဆုတ်လည်း သန့်ရှင်းပါစေ။

မင်းအတွက် လေကောင်း လေသန့် ရပါစေ။

ဘယ်အချိန် ခရီးဆိုက်မယ် မသိ ရထားတစ်စင်း ခုတ်လာတယ်

ဇလီဖားတုံးလည်းပြင်ထားတယ် ဘူတာရုံကလေးလည်း လှစေမယ်။

အတွေးဟာလည်း အတွေးပါပဲ

လက်တွေ့မှာ Computer တစ်ဖက် POS တစ်ဖက်

စိတ်ကူးများဖြင့် ကမ္ဘာကုန်ကျယ်

အလိုလေး...... ချစ်ခြင်း မေတ္တာတရားပါလား ?

ပိုးပေါက်

နည်းပညာတက္ကသိုလ်(မုံရွာ)

၂၀၂၀ ဇွန်လ ၃ ရက်။