အညာသင်္ကြန်

အရိုင်းနွေဦး ကဗျာတေးသံ

မတောက်တစ်ခေါက် အသိဉာဏ်နဲ့

ရန်ကုန်သင်္ကြန်ကို ရင်မဆိုင်ခဲ့

အိမ်ကိုပြန်မယ်

မိဘရင်ခွင်ကို ညိမယ်ဆိုတဲ့အတွေးနဲ့

ပိတောက်တွေ လှိုင်လှိုင်ပွင့်ရာ အညာမြေကို

အတောင်စုံဖွင့်လေဟုန်ဝင့် အမြန်နှုန်းနဲ့

နွေးထွေးရာအသိုက်အမြုံကို ခိုလှုံခဲ့တယ်

ဒိုးသံကိုမကြားရပေမယ့်

မိဘတွေရဲ့ဆုံးမသံ နာခံခဲ့တယ်

ယိမ်းသမတွေ ညီညာတဲ့ကကွက်ကိုမကြည့်ရပေမယ့်

စုံညီတဲ့ မိသားစု စကားဝိုင်းကိုရခဲ့တယ်

မှတ်သားဖို့ကောင်းတဲ့ ဆုံးမသံတွေ

နွေးထွေးတဲ့ အပြုံးတွေ

ချစ်ခင်ဖွယ် ကြင်နာဖွယ် ကြည်နှုးဖွယ်

ရသအမြောက်ဆုံး အညာမြေရဲ့

မိသားစု သင်္ကြန်ကို ဆင်နွှဲခဲ့တယ်

အေးမြလှတဲ့ လရောင်အောက်

ရေနွေးကရားအိုးနဲ့

ထန်းပင်ရဲ့ အနှစ်ခဲ မြုံခဲရင်း

ညီလေးပြုံး ညီမလေးက

တစ်ထောင့်တစ်ည ရဲ့ ရသ က

နွေဦးရဲ့ တူးပို့သံကြားမှ

အညာမြေ မိသားစု သင်္ကြန်ကို

ပီပီသသ နှုတ်ခွန်းဆက်သ ဆင်နွှွဲကြတာပေါ့………..

ပိုးပေါက်

နည်းပညာတက္ကသိုလ်(မုံရွာ)

7/4/2014 1:49 AM