အလွမ်းဆိုတာ
နှလုံးသားက တက်လာတဲ့ ရေလှိုင်းတစ်ခုလို
ဟင်းခနဲ့ သက်ပြင်းချတာတောင်
ပါမသွားခဲ့ဘူးး
အသက်ကြီးမှ လွမ်းတာလား
အသက်ငယ်မှ လွမ်းတာလားး
အလွမ်းကို ခွဲ မခြားတတ်ပါလားး?
ငယ်ငယ်က မုံလှရွာကို ရွံ့ထဲဖွက်ထဲ
ကျောင်းသွားတက်ရတာကိုလွမ်းတယ်။
မိုးရွာထဲ ရွံ့ဖွက်တွေထဲ သူငယ်ချင်းတွေ
အပြိုင်သွားခဲ့ရတာကိုလွမ်းတယ်။
စက်ဘီး တွေ တူတူစီးပြီး ကျောင်းတက်ချိန်တွေ
လွမ်းတယ်။
စက်ဘီး နဲ့ ဝက်မ ကြီး တိုက်ပြီး
ချုံပုတ်ပေါ် ရောက်သွားတဲ့
သူငယ်ချင်း ကို လွမ်းတယ် ။
လက်ပံပင်နီနီရဲရဲကြီးတွေကို လွမ်းတယ်။
ဇီးတောကြီးလည်း လွမ်းတယ်။
အလွမ်းတွေ ရာထူးတိုးတော့
စနေ တနင်္ဂနွေကို လွမ်းတတ်လာတယ်
ရေဦးကျောင်းတက်တော့ ရွာလူကြုံ ကို လွမ်းတတ်လာတယ်
ကိုယ့်နာမည် အခေါ်ကို လွမ်းတတ်လာတယ်။
အထက ၁ အနောက်ပေါက်က ထမင်းကျွေးတဲ့ ဆရာ အဏ္ဏဝါ အိမ်ကိုလွမ်းတယ်
မနက်စောစော ထမင်းစားသွားချိန်
ဆွမ်းခံကြွကိုယ်တော် ကို စက်ဘီးနဲ့တိုက်တဲ့
သူငယ်ချင်းကို လွမ်းတယ်
ဘောလုံးပွဲ ခိုးကြည့်တဲ့ ကောင်တွေ ပိုလွမ်းတယ်။
မလိမ့်ချင် လိမ့်ချင်နဲ့ စီးခဲ့တဲ့ ဘီးကလေးကို လွမ်းတယ်
စွယ်တော်လမ်းကို ချစ်တယ်။ မြို့သစ် လမ်းသစ်ကို ချစ်တယ်။
မြို့သစ်လမ်းဟောင်းဟာ ဝါရင့် အပျိုကြီးတစ်ယောက်လို
တိတ်တခိုး ချစ်ခဲ့ဖူးတယ်။
မြသီတာရှေ့ ဂစ်တာတီးခဲ့တယ်။
အေးသီတာကျော် ရောက်တော့ ပြေးခဲ့ဖူးတယ်။
ဒီလိုနဲ့ ကျောင်းမှန်မှန် မတက်ခဲ့ရတာတွေ
နောင်တ ရတယ်။
လွမ်းမယ်မှန်းသိ ရင် နှစ်ဆ တက်ခဲ့ပါရဲ့။
ရင်ခွင်မှာ တွယ်ငြိမယ် မကြံသေး
ထန်းတောတွေဆီ လှမ်းခဲ့ရတယ်။
ခေတ်ကျောင်းသားအဆောင်ကိုလွမ်းတယ်။
မိုးရွာထဲ အပြေးပြိုင်ခဲ့တာကိုလွမ်းတယ်။
နွားချစ်သူအဆောင် ကို လွမ်းတယ်။
သုံးပြည်ချက်ကုန်အောင် စားတဲ့သူငယ်ချင်းတွေ ပိုလွမ်းတယ်။
ဖဲရိုက်နေချိန် ဆရာကြီး ဦးကြည်စိုး အဆောင်စစ်လို့ ပြေးခဲ့ရတာ ကို လွမ်းတယ်။
လင်းရောင်ခြည် အဆောင် ကို လွမ်းတယ်။
ခြင်းခတ်ရတဲ့ အချိန်တွေ သတိရတယိ။
တစ်ရေးနိုး အိပ်ယာထလို့ မိုးညုင်းဘုရားဖူးချိန်ဟာ ကြည်နှုးရတယ်။
ခုတော့ သူငယ်ချင်းတစ်ချို့ဟာ နှုတ်ဆက်မယ်ဆိုတောင် မသိနိုင်တော့ဘူးး
လင်းရောင်ခြည် အဆောင် ရေအိုးခွဲတဲ့ ဘဲကြီးတွေက ပိုမိုက်တယ်
ထူးချွန်အဆောင်ဟာ ယောက်ကျားလေးအဆောင်ထဲမှာတော့ ခမ်းနားတယ်။
ယောက်ျားလေးတွေ ဖြစ်လို့ တန်ဖိုးကြီးလို့
နေဝင်ရင်သော့ပိတ်တယ်။
သော့ပါးစပ် ဟာ မနက်ခင်းတိုင်း ဆင်ကော်ကျွေးလို့ နေ့တိုင်းတံတိုင်းကိုကျော်ပြီး ကျောင်းသွားရတယ်။
ကျောင်းပြေးတိုင်း ပထမထပ်ကနေ ခုန်ချရဲတဲ့ဘဲကြီးတွေ ရှိတယ်။
အဲထက်ပိုကြွေတာက ခုန်ချရဲတဲ့ စော်တွေပဲ
ဆက်လွမ်းရန် ကျန်သေး
ပိုးပေါက်
နည်းပညာတက္ကသိုလ် မုံရွာ
၂၀၁၉ ဇွန်လ ၂၂ ရက်။
Comments
Post a Comment