စည်းစိမ်ကြီးပါဘိ ရုတ်သီးတောင့်ကိုင်၊
နှစ်ယောက်ကယ်ထိုင် ယှဉ်လက်ပြိုင်ကျယ်စပျစ်ကယ်နှင့်၊
ဖွယ်သစ်မြေအင်ရံလို့ ဇွန်းမတန် ကန်ယောက်သွားငယ်နှင့်၊
ကြွက်နဖား ပုန်းရည်ကျိုသည်၊
အလိုဗျာ စားပုံတင့်ပါဘိ၊
ခေါင်းမင့်ဆယ်အိမ်ပေမို့ အခြေကြီးလှတောင်းကိုလေး။
စားသောက်ဖွယ်ရာ ပြီးသောခါဝယ်၊
ရသာချမ်းငြိမ် အခြင်မြေသက်၊
ပင်ထန်းရွက်နှင့် ခေါင်ပျက်အိမ်တွင်၊
စည်းစိမ်ကြီးရင် ခြေလိမ်တင်လို့၊
ကုတင်ကြမ်းပေါက် သုံးချောင်းထောက်မှာ၊
မှောက်ချည်လှန်ချည် အဆီရယ်ဖိန်း၊
မှိန်းတဲ့ချည်နှင့် မကြည်သမ်းဝေ
ထယ်မင်းပုံ နေလိုက်တယ်၊
နွားရေပြန့်အပေါ်မှာ ခေါင်းကတော်ကိုယ်တိုင်နှိပ်ခါမှ
သူအိပ်တယ်လေး။
သာဝတ္ထိ ဦးကြီး (လွမ်းချင်း)
Comments
Post a Comment